Xa Daim Ntawv Hauv Tsev Xa Ntawv Mus los yog Tus Kheej Xa Daim Ntawv Xaiv Tsa Rov Qab Mus

Contact us

Nyob hauv Minnesota, txhua tus neeg pov ntawv tuaj yeem pov tau ntawv ua ntej thaum ntxov. Yog koj xa daim ntawv xaiv tsa hauv tsev xa ntawv mus, koj tsis tas yuav qhia tias yog vim li cas.

Xub thawj, rau npe pov ntawv los yog kuaj xyuas qhov koj rau npe nyob rau ntawm Minnesota Secretary of State website.

Thaum muaj ib qho xaiv tsa hauv koj cheeb tsam, koj tuaj yeem xa tau ib daim ntawv thov kom muaj npe xaiv tsa (absentee ballot application) thoob plaws lub xyoos.

  • Xa hauv tsev xa ntawv mus (mail): PO Box 64098, Saint Paul, MN 55164.
  • Email [email protected].
  • Fax: 651-266-2177.
  • Tus kheej nqa kiag mus rau ntawm lub tuam tsev Plato Building.

Yog xav muab ua lwm hom lus los yog lwm hom ntawv, hu rau 1-877-600-8683.

Xa daim ntawv xaiv tsa rov qab

Muab koj daim ntawv xaiv tsa (ballot) xa rov qab rau hauv lub hnab ntawv uas twb them tus nqe xa tas lawm uas tau muab xa tuaj nrog koj cov ntawv xaiv tsa. Koj nqa koj daim ntawv xaiv tsa mus xa ntawm lub tsev xa ntawv los yog USPS ib qhov chaw.

Nrhiav USPS cov chaw

  • Xyuas kom paub tseeb tias tus neeg ua tim khawv tau ua tiav nws feem xyuam.
  • Ramsey County Qhov Chaw Ua Hauj Lwm Xaiv Tsa Nom Tswv, hauv lub tuam tsev Plato Building, yuav tsum tau txais cov ntawv xaiv tsa (ballots) ua ntej Hnub Xaiv Tsa mas thiaj muab los suav tau.
  • Nyob hauv Minnesota, cov ntawv xa hauv tsev xa ntawv mus keev yuav siv sij hawm 1-3 hnub mas cov ntawv thiaj tuaj txog.
  • Nyob tawm sab nraum Minnesota, cov ntawv xa hauv tsev xa ntawv mus keev yuav siv sij hawm 3-10 hnub mas cov ntawv thiaj tuaj txog.
  • Cov ntawv xaiv tsa kuj muab xa tau raws qhov kev xa ntawv mus ceev (express). Qhov no los yuav tsum tau txais los ntawm Ramsey County Qhov Chaw Ua Hauj Lwm Xaiv Tsa Nom Tswv, hauv lub tuam tsev Plato Building ua ntej thaum 8 p.m. ntawm Hnub Xaiv Tsa.

Tus kheej xa daim ntawv xaiv tsa mus

Rau txhua zaus muaj kev xaiv tsa, yuav xa tau cov ntawv xaiv tsa rov qab rau cov chaw pov ntawv xaiv tsa Ua Ntej Thaum Ntxov tsis hais qhov twg thoob plaws lub sij hawm xaiv tsa.

  • Cov neeg pov ntawv xaiv tsa hauv Ramsey County yuav mus saib tau ib qhov chaw twg tsis hais lub tsev chaw nyob yuav nyob qhov twg.
  • Tas nrho cov ntawv xaiv tsa yuav tsum muab xa rov qab rau sab hauv lub tuam tsev ua muaj ib tus kws txiav txim plaub ntug saib xyuas kev xaiv tsa yuav kuaj xyuas tias tus neeg pov ntawv xaiv tsa cov ntaub ntawv muaj txhij txhua lawm ua ntej lub county yuav muab ceev cia tau.
  • Tsis txhob muab koj daim ntawv xaiv tsa pov rau hauv cov npov pov ntawv (drop boxes) los yog cov npov them nyiaj (payment boxes) – nws yuav tsis raug muab los suav.

Nqa koj daim ntawv xaiv tsa mus rau ntawm Hnub Xaiv Tsa

Nyob rau ntawm Hnub Xaiv Tsa, koj tus kheej yuav nqa tau koj daim ntawv xaiv tsa rov qab mus rau ntawm Ramsey County Qhov Chaw Ua Hauj Lwm Xaiv Tsa Nom Tswv, hauv lub tuam tsev Plato Building (90 Plato Blvd. West) ua ntej 8 p.m.

Contact Us

Elections

Contact form
Connect with us