Cov Neeg Pov Ntawv Tshiab
Yog hais tias koj yog ib tus neeg pov ntawv tshiab, muaj dab tsi uas koj yuav tau paub?
Tus neeg pov ntawv qhov muaj cai pov ntawv tau
Yog yuav pov ntawv xaiv tsa nom tswv hauv Minnesota, koj yuav tsum yog:
- Ib tus neeg xam xaj Meskas.
- Muaj hnub nyoog tsawg kawg 18 xyoos rau ntawm Hnub Xaiv Tsa.
- Ib tus neeg nyob hauv Minnesota ntev txog 20 hnub.
- Tam sim no tsis raug nyob txim vim tau ua txhaum cai loj.
- Tsis nyob hauv leej twg qab tswj hwm uas muaj ib tus kws txiav txim plaub ntug tau rho tawm koj txoj cai xaiv tsa tau nom tswv.
Cov neeg yuav raug nplua los yog raug kaw yog lawv rau npe los yog pov ntawv tab sis tsis muaj cai ua tau.
Kuv yuav rau npe xaiv tsa li cas?
thiab koj qhov chaw nyob tam sim no. Rau npe ua ntej Hnub Xaiv Tsa yog qhov zoo tshaj, tab sis tsis yog ib qho kom koj yuav tsum tau ua. Yog yuav rau npe nyob rau ntawm Hnub Xaiv Tsa, koj yuav tsum muaj ntawv pov thawj qhia koj tus kheej thiab qhov chaw nyob.
Muaj dab tsi nyob ntawm koj daim ntawv xaiv tsa (ballot)?
Yuav mus pov ntawv qhov twg?
Nrhiav kom paub qhov chaw uas koj yuav mus pov ntawv. Cov chaw pov ntawv xaiv tsa hauv Ramsey County qhib thaum 7 a.m. txog 8 p.m.
Kuv puas yuav tau nqa ib daim npav ID?
Yog hais tias koj qhov kev rau npe ua ib tus neeg xaiv tsa tseem siv tau tam sim no, koj tsis tas nqa ntawv pov thawj. Yog hais tias koj yuav tau rau npe los yog hloov kho koj qhov kev rau npe, los yog hais tias koj tsis tau mus pov ntawv los tau plaub xyoos los yog tshaj saud lawm, koj yuav tau muaj ntawv pov thawj chaw nyob ua ntej koj pov ntawv.
Tawm mus pov ntawv thaum sij hawm ua hauj lwm
- Koj muaj cai tawm mus pov ntawv lub sij hawm ua hauj lwm yam tsis poob qhov them nyiaj rau koj, lub sij hawm tus kheej tawm (personal) los yog sij hawm mus so (vacation) hauv tas nrho lub xeev thiab tsoom fwv cov kev xaiv tsa, thiab cov kev xaiv tsa hauv zej zos uas tau teem cia.
- Koj tus tswv hauj lwm yuav tsum them nyiaj rau koj rau lub sij hawm uas koj yuav tau mus pov ntawv yog hais tias qhov no poob rau lub sij hawm tau teem rau koj ua hauj lwm. Koj tus tswv hauj lwm yuav hais tsis tau kom koj siv lub sij hawm tus kheej tawm (personal) los yog sij hawm mus so (vacation) rau qhov no.
- Koj tus tswv hauj lwm yuav tsis tuaj yeem tsis kam muab, txwv los yog cuam tshuam txoj cai no, suav nrog lub sij hawm twg uas koj xaiv mus pov ntawv.
- Koj tus tswv hauj lwm tuaj yeem nug tau tias thaum twg yog thaum koj yuav mus pov ntawv thiab hais kom cov neeg ua hauj lwm sib faib tias leej twg yuav mus thaum twg kom txhob muaj coob tus qhaj tsis muaj neeg ua hauj lwm.
Tsuas siv sij hawm ntev li qhov koj xav tau los pov ntawv xwb, tom qab ntawd ces rov qab mus ua hauj lwm.
Pov ntawv ua ntej thaum ntxov siv ib daim ntawv xaiv tsa
Koj tuaj yeem pov ntawv tau tus kheej pib txij 46 hnub ua ntej Hnub Xaiv Tsa los yog koj ua ntawv thov tau kom xa ib daim ntawv xaiv tsa tuaj rau koj.
Mus nyob txawv teb chaws?
Yog koj yog ib tus neeg pov ntawv nyob txawv teb chaws, koj thov tau kom muab ib daim ntawv xaiv tsa xa hauv email tuaj rau koj tsis hais koj yuav nyob qhov twg hauv lub ntiaj teb ces tom qab ntawd muab xa rov qab raws tsev xa ntawv.