Cov Neeg Pov Ntawv Uas Yog Tub Rog & Cov Mus Nyob Txawv Teb Chaws

Cov neeg pov ntawv uas yog tub rog thiab cov nyob txawv teb chaws tuaj yeem siv tau ib tus txheej txheem tshwj xeeb kom tau txais lawv daim ntawv xaiv tsa thiab muab xa rov qab. Nyeem cov cai hauv qab no ua ntej koj thov ntawv xaiv tsa. Ib tus txij nkawm, niam txiv, los yog kwv tij/viv ncaus los yog ib tus me nyuam hnub nyoog 18 xyoos thiab tshaj saud tuaj yeem ua ntawv thov tau rau koj.

Ua ntawv thov koj daim ntawv xaiv tsa kom sai li koj ua tau. Cov sij hawm siv xa ntawv tau muab khwv yees tso rau hauv qab no. Cov sij hawm kuj yuav sib txawv vim yuav muaj tej yam xwm txheej los yog huab cua uas paub tsis txog.

• Cov ntawv xa mus/tuaj ntawm sab teb chaws Europe keev siv sij hawm ib lub lim piam (week) mus thiab los.
• Cov ntawv xa mus/tuaj ntawm sab teb chaws East Asia keev siv sij hawm 7-10 hnub mus thiab los.
• Cov ntawv xa mus/tuaj ntawm sab teb chaws Africa, South Asia, sab Middle East thiab Latin America tuaj yeem siv sij hawm ntev txog plaub lim piam mus thiab los.

Muaj cai pov ntawv tau

• Cov neeg ua tub rog thiab lawv cov neeg tseem tos lawv pab.
• Cov neeg yog xam xaj mus nyob txawv teb chaws ib ntus xwb.
• Cov neeg yog xam xaj mus nyob txawv teb chaws mus li lawm (tsuas muaj cai pov ntawv rau cov ua hauj lwm rau tsoom fwv xwb (federal offices)).

Ua ntawv thov koj daim ntawv xaiv tsa

• Ua ntawv thov online
• Rub kom tau ib daim ntawv ua thov kev pab

Daim Ntawv Xaiv Tsa Kub Ceev

• Rub kom tau daim Federal Write-In Absentee Ballot (FWAB) yog koj txhawj tias koj tsis muaj sij hawm txaus los xa koj daim ntawv xaiv tsa.
• Rau cov ua hauj lwm rau tsoom fwv (federal offices), koj sau tau tus neeg sib tw uas koj xaiv lub npe los yog nws phav kas moos.
• Rau cov ua hauj lwm hauv xeev los yog hauv zej zos nyob ntawm FWAB, koj yuav tsum sau tus neeg sib tw lub npe (tsis yog phav kas moos xwb) thiaj muab koj daim ntawv los suav.

Tau txais koj daim ntawv xaiv tsa

Koj tuaj yeem txais tau koj daim ntawv xaiv tsa hauv email, fax los yog hauv tsev xa ntawv xa tuaj rau koj. Koj yuav tau qhia rau hauv koj daim ntawv ua thov tias koj xav kom xa koj daim ntawv xaiv tsa li cas tuaj rau koj.

Cov neeg ua hauj lwm saib xyuas kev xaiv tsa yuav xa cov ntawv xaiv tsa tawm rau sawv daws tsawg kawg 45 hnub ua ntej qhov kev xaiv tsa. Thaum tau txais cov ntawv ua thov ntawv xaiv tsa tsawg dua 45 hnub ua ntej qhov kev xaiv tsa, yuav muab cov ntawv xaiv tsa xa tsis pub dhau ib hnub ua hauj lwm tom qab tau txais cov ntawv ua thov ntawv xaiv tsa.

Yuav muab cov ntawv xaiv tsa xa hauv nyob hoom mus rau cov chaw nyob tawm sab nraum ntawm teb chaws Meskas. Yuav muab koj daim ntawv xaiv tsa xa rau koj raws kev xav ntawv mus ceev (express) yog koj muab ib lub hnab ntawv uas twb them tus nqi xa lawm rau lub county qhov chaw saib xyuas hauj lwm.

Xa koj daim ntawv xaiv tsa

Tsis hais koj yuav txais tau koj daim ntawv xaiv tsa li cas, koj yuav tsum xa koj daim ntawv xaiv tsa rov qab raws tsev xa ntawv los yog raws kev xa pob khoom mus rau qhov chaw ua hauj lwm saib xyuas kev xaiv tsa uas tau txais daim ntawv xaiv tsa xa tuaj. Cov ntawv xaiv tsa uas muab xa tuaj no yuav lees txais mus txog ntua thaum 8 p.m. ntawm Hnub Xaiv Tsa.

Koj daim ntawv xaiv tsa yuav tsis raug muab los suav yog tau txais tom qab Hnub Xaiv Tsa.