Nyob rau ntawm Hnub Xaiv Tsa koj yuav tsum mus pov ntawv nyob rau ntawm qhov chaw uas tau muab rau koj. Nco ntsoov nrhiav kom paub qhov chaw ua ntej – vim tej zaum qhov chaw uas koj mus pov ntawv zaum dhau los kuj tsis yog qhov chaw qub lawm.
Cov chaw pov ntawv yuav qhib txij thaum 7 a.m. mus txog 8 p.m. thaum Hnub Xaiv Tsa.
Nrhiav koj qhov chaw pov ntawv xaiv tsa
Muaj Neeg Txhais Lus nyob rau ntawm Cov Chaw Pov Ntawv Xaiv Tsa Nom Tswv Uas Tau Xaiv
Rau qhov kev xaiv tsa nom tswv xyoo 2024, muaj ib cov chaw pov ntawv xaiv tsa hauv Ramsey County yuav muaj neeg pab txhais lus. Qhov no yog ua raws li cov ntaub ntawv suav pej xeem (Census) uas qhia tias muaj cov neeg hais hom lus twg nyob qhov twg kom muaj txhais lus pab lawv. Cov chaw uas muaj txog 20% los yog coob dua ntawm cov neeg hais ib hom lus twg yuav muaj ib tus neeg txhais lus nyob ntawm chaw. Ib qho ntxiv, txhua qhov chaw pov ntawv xaiv tsa yuav muaj cov paib thiab cov ntawv xaiv tsa piv txwv ua Lus Hmoob, Somali thiab Spanish los pab cov neeg uas tuaj pov ntawv. Saib daim ntawv teev cov chaw uas muaj neeg pab txhais lus.
Xa cov ntawv xaiv tsa uas tus neeg tuaj tsis tau rau ntawm qhov chaw xaiv tsa (absentee ballots) rov qab
Nyob rau ntawm Hnub Xaiv Tsa, tib qhov chaw uas koj nqa tau koj daim ntawv xaiv tsa uas koj tuaj tsis tau rau ntawm qhov chaw xaiv tsa rov qab koj tus kheej yog nqa mus rau Ramsey County Qhov Chaw Ua Hauj Lwm Xaiv Tsa Nom Tswv (Elections Office) ua ntej 8 p.m.
Koj kuj tseem mus pov ntawv tau koj tus kheej nyob rau ntawm qhov chaw uas tau muab rau koj. Peb yuav muab koj daim ntawv xaiv tsa uas koj tuaj tsis tau rau ntawm qhov chaw xaiv tsa ua kom siv tsis tau (muab ua kom siv tsis tau hauv qhov chaw lis txoj hauj lwm no) thiab yuav muab ib daim ntawv xaiv tsa tshiab rau koj nyob ntawm qhov chaw xaiv tsa.
Nyob rau ntawm Hnub Xaiv Tsa, muaj ib tus xov tooj hu tau los mus pab rau cov neeg tuaj pov ntawv ua ntau hom lus.