Cov neeg pov ntawv yuav tso cai tau rau ib tus neeg (tus sawv cev) los mus nqa thiab xa cov ntawv xaiv tsa rov qab. Qhov kev pab cuam no tsuas ua tau nyob hauv xya hnub ua ntej qhov kev xaiv tsa.
Muaj cai ua tau
Ib tus neeg sawv koj cev tuaj yeem pov ntawv xaiv tsa tau rau koj yog hais tias koj yog ib tus:
- Neeg mob pw hauv tsev kho mob, nyob hauv ib qho chaw kho mob los yog tsev laus.
- Neeg nyob hauv ib qhov chaw nrog ib pab pawg nyob ua ke.
- Neeg nyob hauv ib lub tsev nkaum (shelter) rau cov poj niam raug tsim txom.
- Neeg nyob hauv ib qho chaw muaj tus pab tu.
- Neeg pov ntawv muaj mob xiam oob qhab.
Neeg pov ntawv uas mus tsis taus rau ntawm qhov chaw pov ntawv vim muaj kev mob nkeeg ua rau mus tsis taus qhov twg.
Yuav pov ntawv li cas los ntawm ib tus neeg sawv cev
- Xaiv ib tus neeg ua koj tus sawv cev uas:
- Muaj ib qho kev sib txheeb sib raug zoo nrog koj ua ntej los lawm.
- Muaj hnub nyoog tsawg kawg 18 xyoos.
- Tsis yog ib tus neeg muaj npe sib tw.
- Ua kom tiav ob daim ntawv foos nram qab no:
- Kom koj tus neeg sawv cev nqa cov ntawv foos uas ua tiav txhij txhua lawm mus rau Ramsey County Qhov Chaw Ua Hauj Lwm Xaiv Tsa Nom Tswv mus nqa koj daim ntawv xaiv tsa.
- Yuav muab koj daim ntawv xaiv tsa thiab cov hnab ntawv rau koj tus neeg sawv cev nqa los rau koj.
- Xaiv koj cov neeg (vote) rau ntawm koj daim ntawv xaiv tsa (ballot) thiab ua kom tiav tas nrho cov ntaub ntawv raws li cov lus qhia uas muab nrog tuaj ua ke.
Kom koj tus neeg sawv cev nqa koj daim ntawv xaiv tsa uas koj twb xaiv tas lawm (voted ballot) rov qab ua ntej Hnub Xaiv Tsa rau Ramsey County. Elections qhov chaw xaiv tsa ua ntej thaum ntxov los yog nyob rau ntawm Hnub Xaiv Tsa ua ntej 8 p.m. rau Ramsey County Elections. Nco cia: Koj tus neeg sawv cev yuav tsum muaj ib daim npav ID muaj nws npe thiab kos npe rau.